Darood-e-Awaisiya (Ashiq e Rasool Hazrat Owais Qarni (RA) )

خدا کی رحمتوں نہ ہر طرف سے مجھ کو گھیرا ہے
مسلماں ہوں اور اس دنیا میں جو کچھ ہے وہ میرا ہے

پرستاران خاک کعبہ جس رستہ سے گزرے ہیں
ہر اک ذرے نے سورج بن کے نور اپنا بکھیرا ہے

اجالا ہی اجالا ہے مسلمانوں کی بستی میں
صنم زادوں کی نگری میں اندھیرا ہی اندھیرا ہے

کچھ اس کی خبر ہے تم کو چرخہ کاٹنے والو
کہ تلواروں کے سایہ میں مسلماں کا بسیرا ہے

رسول اللہ ؐ کے گھر میں یہ کیسا انقلاب آیا
کہ گاندھی جی کی کٹیا عالمانِ دیں کا ڈیرا ہے

خدا ہی جانتا ہے حشر اس ٹولی کا کیا ہو گا
حرم سے جس کی بدبختی نے رخ ملت کا پھیرا ہے

یہ کہ دو شب پرستوں سے کہ بستر تہہ کریں اپنا
پھٹی ہے پو ہوا جاتا کوئی دم میں سویرا ہے

حیاتِ نو کے جلوے دیکھ لو پنجاب میں آ کر
مسلمانوں کی سطوت کا نیا گہوارہ بھیرا ہے